Saludo Kami: Garbo nga Atenista

-A A +A

Sunday, March 29, 2015


TINUOD gyud nga kung dunay pag-antus, dunay makaplagan nga bunga niini, diin ang mga pagpaningkamot ug kahago mabayran pag-abot sa katapusan.

Ang atong bida karong adlawa mao ang newly-named lawyer Gil Garcia II kinsa nalakip sa fourth highest rating sa October 2014 Philippine Bar Exams.

Ang atong bida migraduwar sa Ateneo de Davao University (AdDU) College of Law, nga anaa sa 84.55 rating nga nagbutang kaniya nga mauban sa laing duha ka fourth placers.

Advertisement

Sa pakighinabi sa Sun.Star Davao sa atong bida, iyang giingon nga ang pagkalakip kaniya sa mga topnotchers maoy butang nga di siya makatuo nga makakuha'g taas nga iskor gumikan kay maingon nga lisud kaayo ang maong exam.

Gisaysay sab niya nga ang pagpangandam diha sa pagkuha sa exam lisud, daghang mga gabii nga wa siya makatulog ug gimingaw sa pamilya human nalayo siya og lima ka bulan sa iyang pag-review sa San Sebastian Recoletos sa Manila.

"During sa first weeks kay ma-feel gyud nimo ang homesickness kay mangita man gyud ka sa imong family but after ana maanad lang ka. Then, during sa course sa review, naa gyuy three weeks nga wala ko katulog because of anxiety," saysay niya.

Ang iyang pagtuon anaa sa 17-oras sugod sa alas 9:00 sa buntag ug mahuman sa alas 2:00 sa kaadlawon diin iyang giangkon nga bisan pa man sa ingon niini ka taas nga oras, nahatagan gihapon niya ang kaugalingon sa pagpahuway bisan sa gamay nga higayon.

Daw makatulo sa iyang singot niadtong nakita niya ang iyang kaubanan sa nakauna paghuman sa exam butang nga midoble ang iyang kabalaka.

Bisan pa man padayon gihapon siya ug gibalikan ang mga gipanudlo sa AdDU College of Law nga maoy dalan nga natubag niya ang mga pangutana.

Atty. Gil Garcia II
Atty. Gil Garcia II

"The review was basically a reinforcement of what we have learned in AdDU and I am very grateful that I was given a good foundation," iyang ingon.

Gidugang niya nga ang iyang pamilya ug ang pagtuo sa Labaw'ng Makagagahum ang maoy nag-unang butang nga mihatag kaniya og kadasig aron malatas ang exam.

Una pa man niya napasar ang bar, giila sab siya isip usa sa mga top graduate sa AdDU College of Law sa tuig 2014 human niya matapos ang bachelor's degree sa accountancy sa AdDU niadtong 2008 ug sa samang tuig nahimo siyang certified public accountant (CPA) human mipasar sa licensure exam.

Human sa iyang gamay nga oras sa pag-alagad sa Land Bank of the Philippines human sa CPA licensure exam naaghat siya nga mokuha og law.

Giingon sa atong bida nga ang iyang amahan usa sab ka abogado kinsa nag-trabaho sa legal department sa Social Security System (SSS) nga maoy usa sab sa mga nakapaaghat kaniya nga mosulod sa law.

Anaa siya karon sa ACCRA Law Office sa Pryce Tower sa J.P. Laurel Avenue, iya sab nga giingon nga ang iyang pagtrabaho sa maong mga natad maoy naghatag kaniya og maayong training ground.

Sa kasamtangan anaa siya sa taxation ug corporate laws apan gusto sab siya nga mas madungagan pa ang iyang kahibalo ngadto sa laing natad sa balaod.

Samtang anaa na siya sa pagserbisyo sa publiko, iyang giingon anaa pa siya sa estado sa pagsayod sa mga butang gikan sa mga kasinatian.

Gipangutana siya kung unsay iyang masulti sa mopadulungay nga "baristas", giingon niya nga kinahanglan mag-study, mag-ampo ug matulog una pa ang exam.

Giingon sab niya nga ang law students, kinahanglan duna nay naka-establisar nga tin-aw nga katuyoan aron mopasar sa bar.

Ang pagkamatinud-anon, pagkamapaubsanon ug pagkamanggihatagon maoy pamatasan nga maggiya sa tawo padung sa taas nga pagpaila, butang nga mao unta ang masunod sa ubang baristas.

Sa kinabuhi sa tawo, kita mismo ang maghimo og maayong dalan niini aron makab-ot ang di matukib nga kalipay sa kaugalingon. Ang kaugalingon mismo ang mohulma sa maayong ugma.

Kanimo, lawyer Gil Garcia II, saludo kami sa imong katakus nga maoy manalipod sa mga dinaug-daog!

Gipatik sa mantalaang SuperBalita Davao Marso 29, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!