Meditalk: Nag-problema sa keloids (3)

-A A +A

Sunday, March 29, 2015


(Pasiuna: Kini ang atong apas-sumpay sa suliran nga gipadangat kanato ni Lila Bandana of Kapalong mahitungod sa iyang suliran sa keloids nga nangita siya og medyo barato nga pamaagi aron madumala kini.)

DEAR Lila Bandana of Kapalong,

Ania na gayud kita sa katapusan nga hut-ong sa mga remedyo nga imong mabuhat alang sa imong keloids.

Advertisement

8. Sandalwood ug rosewater

Ang Rose water natural nga toner sa panit ug ang sandalwood adunay pamatasan nga makapabalik sa panit. Paghimo og baga nga papilit sa tubig sa rose ug sandalwood. Limpyohi usa ang imong peklat sa tubig ug ipahid ang maong papilit sa maong dapit usa ka matulog ug pagmata nimo sa buntag, limpyohi ang maong dapit sa inadlaw nga tubig.

9. Dugos

Ang dugos natural nga mopakgang sa kauga sa panit ug maka-alim usab kini. Ipahid ang presko nga dugos sa peklat ug masahe-a kini ug hinay-hinay aron mapakgang ang pagtipun-og sa mga patay nga selula sa panit ug mamaayo ang sirkulasyon sa dugo.

10. Solusyon sa fuller’s earth, rose water ug duga sa lemon

Pagsagol og usa ka kutsarita sa rose water, usa ka kutsarita sa duga sa lemon ug usa ka kutsara sa fuller’s earth aron makahimo ka og paste. Ipahid ang maong paste sa dapit nga na apektuhan ug hinay-hinaya kini ug masahe hangtud nga mohumok ang maong peklat. Pasagdahi nga mouga ang panit ug ipahid dayon ang lain pa nga papilit diha sa dapit nga na apektuhan. Pasagdahi kini sulod sa napulo ngadto sa kinse ka minuto ug banlawi og maayo kini sa bugnaw nga tubig.

Hinumdomi lamang nga dili dayon makita nimo ang resulta. Manginahanglan ka gayud og usa ka tonelada nga pasensya usa pa nimo makit-an ang imong resulta nga ginapangandoy. Himoa kini sulod sa tulo ka bulan kung mahimo hangtud sa unom ka bulan.

Apan, kung naa lamang gihapon maskin pa sa mga pamaagi nga akong nahisgutan, pagsugod na lang og tigum ug gasto-i na lamang gayud sa imong doktor – kung gusto gayud nimo nga manamilit ka na sa imong bandana. Mag-unsa man nang kwarta og maot ka? Bahala na og walay kwarta basta gwapa kay moduol ang kwartahan. Hehehe! Joke, joke, joke. Tingali baya og mingawon ka unya sa imong bandana, Inday Lila, ha? Hehehe! Ug, mamahimo usab nga makigkita ka kanako alang sa imong suliran. Ang akong klinika (Espedilla Derma-Medical Care & Biz-Wellness Center) anaa mahimutang sa Panabo City sa karaan nga palengke, kilid sa Kimberlite Pawnshop 2, atbang sa Panabo Food Centrum. Abri kami Lunes hangtud Sabado, gikan alas nuwebe sa buntag ngadto sa alas sais sa gabii, gawas lamang sa Sabado tungod kay hangtud lamang kami sa alas kuwatro – tungod sa akong programa sa radyo sa DXAB 1296 (Ang Health ug Sex Sex Secrets ni Dr. Fritz Program) matag Sabado alas otso hangtud sa alas diyes sa gabii. Pakipag-appointment lamang kang Jen usa ka makigkita kanako sa 09366856957.

Unta nakatabang ako kanimo. Good luck!

Dr. Fritz

(Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)

Gipatik sa mantalaang SuperBalita Davao Marso 30, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!