Matud Nila: Andam na ba kita sa K to 12?

-A A +A

Sunday, March 29, 2015


MAGANDANG buhay, friends! Kumusta kitang tanan niining grabe ka init nga panahon? Lauman diay nga sa sunod mga adlaw, dugukon ang mga beaches og mga tawo subay sa paghandom sa Semana Santa.

Lunes karon, laing topiko na sab atong hisgutan, kabahin sa pagpatuman sa K to 12 Program diha sa tanang tulunghaan sa nasud.

Kini gipatuman sa Department of Education (DepEd) isip tubag nga
mas mapalambo pa ang kinabuhi sa tanan pinaagi sa pagtungha nga dunay dugang duha ka tuig alang sa mga pagbansay kung unsay gikahiligan nga magamit sa panginabuhi.

Advertisement

Apan ang maong palisiya, giingong usa ka dakong krus sa mga ginikanan tungod dugang pabug-at kini kanila diha sa taas nga panahon sa pagpatungha ug dugang gastuhan.

Karon nga academic year 2014-2015, maoy ulahing batch sa fourth year nga mga estudyante ug sundan na kini sa Grade 10 kon 'junior high school' padung na sa Grade 12.

Gani, di lang mga ginikanan ang naguol niini, lakip na ang mga dagkong institusyon sa kolehiyo kay mabakante og duha ka tuig ang ilang operasyon sa panudlo.

Hinuon gipasabot na kining daan sa DepEd ug sa Commission on Higher Education (Ched) nga miresulta sa mga gipahigayong mga pagbansay sa mga magtutudlo nga motudlo sa mga nag-unang skills subjects sa 'senior high school'.

Sa maong hisgutanan mga friends, andam na ba kita niini? Unsa kaha nga mga panghitabo diha sa pagtuon nga atong masugatan kung mapatuman na kini sa hingpit? Ania ang pamahayag sa atong mga nahinabi:

Mosunod

"Alang nako, bug-at ni siya sa mga ginikanan. Sama sab namo nga teachers, bug-at ni siya pero madala ra sab na namo kay gipailawom man god mi sa mga trainings paunsa namo ni siya i-handle, mosunod nalang gyud ta." Reynaldo Pardillo, Teacher, Davao City

Sayang ang panahon

"Dako akong pasalamat wala mi naapsan sa K+12, kay sayang kaayo ang 2 years, maayo nalang ihatag na nga time sa pagpangita og work." Feljon Lao, BSMT, Mats College, Davao City

Budget, di tuig

"Tama man sab ang gihimo sa DepEd nga gi-trace ang education system sa laing nasud, kay ang mga produkto karon, puwera lang sa mga nagtarong gyud, pero ang uban wa gyuy sulod ang utok. Sawa nako sa sistema sa edukasyon, budget unta idugang dili ang tuig." Darwin Salaum, Self-employed, Purok 7, Barangay 76-A Bucana, Davao City

Gipatik sa mantalaang SuperBalita Davao Marso 30, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!