Genoguin: CA ug Ombudsman nasudlan og politika?

-A A +A

Ni Al Genoguin

Kontra Balanse

Sunday, March 29, 2015


NAGKAGULIYAN ang mga empleyado sa Makati City kon kinsay ilang ilhon nga Mayor, si Junjun Binay ba, o si Vice Mayor Peña? Ang order sa Department of Interior and Local Government (DILG) maoy gituhoan sa vice mayor, kon nganong ipugos niya ang iyang ka-ugalingon nga molingkod isip mayor.

Si Mayor Junjun Binay, sa iyang bahin, ang Temporary Restraining Order (TRO) nga giisyu sa Court of Appeals maoy iyang gisaligan nga dili manaug
sa iyang lingkuranan.

Si Ombudsman Conchita Carpio Morales nangatarungan nga Moot and Academic, ulahi na ang tanan tungod kay nakapanumpa na ang vice mayor nga maoy molingkod nga mayor sa Makati City sulod sa unom ka bulan nga suspension order batok kang Mayor Binay sa kasong kurapsiyon sa Makati building
2.

Advertisement

Ang pangutana, kinsay mosulbad sa maong problema? Natural lang ang pinakataas nga hukmanan ang Korte Suprema. Apan kanus-a pa? Sa pagkakaron, wala pay lihok ang Supreme Court, hayan wala daw suweldo ang mga liboan ka mga empleyado gimikan sa maong problema.

Kinsay husto sa duha ka opinyon, Court of Appeals o Ombudsman? Makapaabot kaha oug patas nga desisyon ang mayor ug vice mayor gikan sa Korte Suprema nga way sagol politika?

Usahay baya, masagulan og politika ang desisyon sa mga mahistrado.

Niadtong duha nalang ka bulan ang nahabilin sa termino si kanhi Presidente Gloria Macapagal Arroyo, kalit lang mi-anunsiyo ang Korte Suprema ngadto sa Judicial Bar Council (JBC) nga magsumite na sila ngadto sa presidente sa mga pangalan nga maoy i-puli kang Chief Justice Renato Puno.
Daghan ang nagprotesta sa desisyon sa punong mahistrado kay lagi abogado sad sila. Ang ilang pagsabot sa Artikulo VII, Section 15 sa atong 1987 constitution, nga dili puwedeng magtudlo ang presidente o acting president sulod sa duha ka bulan una siya manaug sa iyang pagka-presidente, gawas lamang sa mga executive nga position, apan temporaryo lamang. Dinhi nanggawas ang mga katahap nga nasudlan og politika ang Korte Suprema tungod kay natudlo man gyud ni GMA si Renato Corona, puli kang Chief Justice Renato Puno.

Ang Court of Appeals ug Ombudsman nasudlan kaha ug politika? Ang angay himuon karon sa mga mahistrado sa Korte Suprema, sulbaron gilayon ang dakong problema, kay nalambigit niini ang mga suweldo sa mga empleyado sa Makati City hall.

Korte Suprema lang ang gipaabot nga desisyon. Sayop man sa pikas nga grupo, ug insakto sa pikas nga hut-ong, wa tay mahimo basta ang desisyon gikan sa taas nga hukmanan, siya gyud ang matuman sanglit wala nay lain pang institusyon pa nga sangkoan kon dili Supreme Court nalang.

Gipatik sa mantalaang SuperBalita Davao Marso 30, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!