Nalzaro: Tinubdan sa natural gas maiya sa MILF

-A A +A

Monday, March 30, 2015


USA sa dakong rason nganong i-insister gyud sa Moro Islamic Liberation Front (MILF) ang Bangsamoro Basic Law (BBL) mao diay ang dakong reserve sa natural gas sa Liguasan Marsh nga anaa nahimutang sa mga probensiya sa North Cotabato ug Maguindanao. Ang Liguasan Marsh adunay hundred of billions nga dolyar nga natural gas reserve ug kon ma-ugmad kini, ang Bangsamoro people mao na unya ang labing datu ug adunahan sa maong lugar. Kana kon mapasar ang BBL kay ubos man kini sa ilang teritoryo. Dugay na kaayo kining gibutyag ni Moro National Liberation Front (MNLF) chairman Nur Misuari.

Matod pa nga sa dihang gi-survey kini sa mga American engineer, nasuta nga abunda kini sa natural gas ug gibana-bana nga moabot ngadto sa 600 billion dollars. Kon i-convert kana ngadto sa atong kuwarta, mokabat na kana og trillions of pesos. Ang Liguasan Marsh adunay gilapdon nga 220,000 sa North Cotabato ug Maguindanao nga kusganong gi-angkon sa mga Muslim nga ila gyud nga yuta isip tipik sa ancestral domain.

Abunda

Advertisement

Matod pa sa study nga gihimo sa Haribon Foundation nga ang Liguasan Marsh abunda pa sa aquatic wildlife animals ug mga isda. Apil na niini ang 20 ka mga species o lain-laing matang sa isda. Tulo ka klase sa mga buaya ug 20 ka klaseng waterfowl, herons ug ducks (pato o bebe). Makita usab ang talagsaon nga matang sa mga langgam sama sa monkey eating eagle, Philippine crocodile ug Estuarine crocodile, comb-crested Jacana o lillytrotter, klase sa mga langgam nga puwedeng maglutaw-lutaw lang sa tubig morag water litty.

Tiaw mo bay og maugmad ang Liguasan Marsh, puwerting datu-a diay sa Bangsamoro region kay ubos man kini sa ilang hurisdiksiyon. Anaa sa BBL nga ang Bangsamoro region maka-ugmad sa mga natural resources sa mga lugar nga ubos kanila ug ang revenue o kuwarta nga makuha gikan niini adto lang paingon sa panudlanan sa Bangsamoro region ug wala nay labot ang national government. Hatagan pa sila og pundo gikan sa national government kon mapasar na ang BBL ug natukod na ang Bangsamoro region. Diha nimo makita kon unsa ka dako kanang ilang gahom.

Pundo

Unya nagtuo kaha kamo nga nga kanang dakong kantidad gamiton na sa mga lider sa MILF pag-ugmad og pagpalambo sa ilang lugar? Ayaw na lang ta kay ang mga makapahimulos unya niana mao lang ang mga lider. Suma og unsay nahitabo sa Autonomous Region in Muslim Mindanao (ARMM). Gihatagan og dakong kuwarta. Apan unsay nahitabo? Gibulsa sa mga lider. Wala nay kalainan nang mga tawhana. Ug adunay laing grupo nga dili mabahinan, momugna na usab og kagubot. Mag-negotiate na pod unya ta? Pagka walay hinungdan. (bobby.nalzaro@yahoo.com)

Gipatik sa mantalaang SuperBalita Cebu Marso 31, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!