Espinoza: Dimolisyon

-A A +A

Monday, March 30, 2015


NAHILUM kadtong dimolisyon sa 168 ka mga balay sa San Miguel, Apas human ang korte mihukom pabor ni Mariano Godinez pun-an sa bag-ong kaplag nga ebidensya nga ang Lot 937 iya sa gobyerno nga gitarokan kaniadto sa PNP Regional Training School. Nahunong usab ang dimolisyon sa 157 ka mga balay sa Lot 942 ug 947 sa San Miguel, Apas pabor ni Aletha Suico-Magat. Dihay gihugon-hugon nga papahawaon ang 120 ka pamilya nga nagpuyo sa Lot 943, 944,945, 946 pabor kang Richard Unchuan nga gitugyan sa pamilyang Lopez basi sa ilang gilagdaan nga kasabotan apan sa talaan sa Cenro ang maong mga luna gipanag-iya ni Quintin Vercide, duna say papeles nga gitugyan kini sa mga lumolopyo ubos sa Executive Order 20 nga giluwatan sa Hunyo 9, 1918 sa Office of the Gov.-Gen. sa Pilipinas. Duna say nag-ingon nga ang maong luna nga giilugan iya sa kagamhanan sa lalawigan. Samtang pilit nga mitugyan ang 117 ka pamilya sa J.D. Vera St., Mahayahay, Carreta pabor sa tag-iya nga si George Gimenez. Mao sab gihapon ang nasinati sa mga biktima sa paghawan sa Warwick, Barracks sa Carbon.

* * *

Nalukop sa dimolisyon ang kasamtangang administrasyon ni Mayor Mike Rama. Gihulagway ni kanhi Mayor Tomas Osmeña nga dili makamao mangitag pundo ug naulipon ang huna-huna pagbaligya sa luna sa SRP nga duna namay P5B gikan sa nagtukod nga mga negosyante ug liboan ang kinitaan nga amusement tax sa Kasadya. Kadudahan kay pakyas ang gitarget nga koleksyon sa buhis. Naghari ang demolisyon sa Mahiga Creek, Citi Center, Doña Pepang Cemetery sa Carreta ug Cebu City Medical Center nga pwede raman nga ayohon nga gamay rag gasto. Wala na raba masubay ang ubang kabtangan og asa na paingon. Kinahanglan ipreserbar ang kamahinungdanon sa kasaysayan sa Doña Pepang isip karaang sam-ang nga dili mahisama sa Lorega Cemetery nga gipuy-an sa mga squatters. Sa Doña Pepang anaa ang Osmeña Mausoleum nga gilubngan ni Don Sergio, iyang kapikas nga si Estefania “Doña Pepang” Veloso, sa ilang anak nga si Serging, mga Rama ug daghan pa.

Advertisement

* * *

Papahawaon sa Kapitolyo kaniadto pang 2010 ang 63 ka mga pamilya ug sa mga nag-okupar sa mga edipisyo sa 6.2 ektarya sa DA-7, Guadalupe. Wala mamahawa kay may gihuptang titulo nga iya sa nasudnong kagamhanan ug writ of preliminary injunction pagpugong sa dimolisyon nga giluwatan sa korte. Dunay 82 ka mga pamilyang squatter gawas sa koral sa DA-7 kilid sa sapa. Walay piho nga relocation kon papahawaon. Kahinumdoman ang gipangdemolis sa north reclamation gibalhin sa Pul­pogan, Consolacion; sa tampi sa Mahiga Creek tua sa Budlaan; Kanaas, Banawa tua sa Binaliw; ug sa Apas adto sa Pit-os. (csa_1156@yahoo.com/0905-250-4643)

Gipatik sa mantalaang SuperBalita Cebu Marso 31, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!