Editoryal: Luwas nga biyahe

-A A +A

Sunday, March 29, 2015


MAS nagkadaghan karon ang mga pasahero nga nagpunsisok sa mga terminal sa bus, barko ug ayroplano tungod sa taas nga bakasyon sa Semana Santa. Dunay manguli sa ilang tagsatagsa ka mga lalawigan ug ang uban magbakasyon lang uban sa ilang pamilya o mga higala ngadto sa destinasyon sa turismo labi na sa mga dapit nga dunay nindot nga beach resorts.

Dinhi sa Sugbo, ang kahuot sa mga terminal seguradong mas doble kon itande sa ubang dapit isip sentro sa transportasyon sa tungatungang Kabisay-an. Gawas nga daghang mogikan o molarga, daghan usab ang mangabot human ang Sugbo naila nga usa sa mga nag-unang destinasyon sa turismo sa nasod.

Busa importante kaayo ang seguridad, kahan-ay ug kaluwasan sa atong mga terminal. Nasayod kita nga paborito sa mga dautang elemento ang nanag­huot nga dapit aron paghimo sa ilang operasyon sa pagpanguot, pagpangawat og bagahe ug pagpang­labni og mga bag ngadto sa terorismong buhat nga makaapekto sa enosenteng sibilyan aron lang pag-asdang sa ilang kawsa.

Advertisement

Hinuon, ang awtoridad ug mga lokal nga kagamhanan nangandam na ning panahon aron pag-abag sa mga pasahero nga moabot sa ilang destinasyon nga luwas. Ang hisgotanan sa seguridad dili lang trabaho sa awtoridad o mga opisyal apan, responsibilidad sa tagsatagsa ka pasahero ang pagseguro sa iyang kau­galingon ug moabag sa awtoridad alang sa pangkina­tibuk-ang pagkabana sa mga tawo sa terminal.

Lakip sa isyu sa kaluwasan mao ang pagseguro sa mga sakyanan nga walay daot ug dili mag-overload sa iyang pasahero ug kargamento. Atong tambag sa mga psaero dili magdala og daghan butang nga sagabal sa biyahe. Samtang, dili nato kalimtan ang pag-ampo ug pagpamalandong sa Semana Santa ug malipayong bakasyon sa tanan.

Gipatik sa mantalaang SuperBalita Cebu Marso 30, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!