Nalzaro: PNoy: ‘Saksi nako ang Ginoo’

-A A +A

Saturday, March 28, 2015


KARONG adlawa mao ang Palm Sunday o bendita sa lukay. Lukay nga giporma og krus. Sagad nato kining makita sa bungbong sa mga panimalay ug sa altar. Pang-abog sa mga dautang espiritu. Gawas sa relihiyosong aspeto, nahimo na usab kining livelihood o pangi­nabuhian sa uban. Ang mga tag-iya og lubi didto sa probinsiya ilang ipamaligya ang mga lukay. Unya ang mga middle men, maoy mobaligya niini ngadto sa mga kilid sa mga simbahan karong adlawa nga ilang pabenditahan sa pari sa dili pa dad-on sa ilang panimalay. Siguro mosaka na ang presyo sa krus nga lukay karon. Kining maong mga lukay mao usab ang sunugon sa Ash Wednesday sunod tuig ug ibadlis sa atong agtang.

Saksi

Atol sa iyang pagpamulong sa graduation sa Philippine National Police Academy (PNPA) didto sa Cavite niadtong Huwebes, si Presidente Aquino miangkon sa iyang responsibilidad sa nahitabong bulilyaso sa Operation Exodus. Apan wala gihapon mangayo og pasaylo ang Presidente sa katawhang Pilipinhon sama sa gidemanda bisan sa iyang mga kaalyado sa Kongreso ug sa iyang mga kritiko. Naba­laka siguro ang Presidente nga kon mangayo siya og pasaylo, gamiton unya kini sa iyang mga kaatbang sa pagpasaka og kaso batok kaniya inig human sa iyang termino. Mao usab kini ang opinyon ni Senador Meriam Defensor Santiago, usa ka legal expert.

Advertisement

Matod ni PNoy nga nagsulti siya sa tinuod kabahin sa Mamasapano encounter diin 44 ka mga sakop sa PNP Special Action Force (SAF) ang namatay. Matod sa Presidente nga ang Ginoo ang iyang Saksi. ‘I swear, I am telling the truth with God is my witness.’ Ang paggamit sa pangalan sa Ginoo maoy kasagaran nga gamiton sa mga tawo nga moinsister nga wala sila mamakak. Sa iyang mga pamahayag, kanunay nga giinsister ni PNoy nga wala siyay kalibutan sa nahitabo sa Mamasapano sa maong adlaw.

Ug iyang gibasol sila si suspended PNP chief Alan Purisima ug girelibohan nga SAF commander Getulio Napenas.

Gipanalipdan

Gipanalipdan usab ni PNoy ang iyang kaugali­ngon nganong wala siya motambong o mosugat sa pag-abot sa mga patay’ng lawas sa SAF 44 sa Villa­mor Airbase niadtong Enero 29. Didto hinoon siya mitambong sa inauguration sa usa ka car manufacturing plant. Matod ni PNoy nga wala siya mosu­gat sa Fallen 44 kay wala pa siyay ikatubag sa mga pangutana unya sa mga kabanay sa namatay nga SAF trooper. Kay matod pa niya wala pa siya mahatagi og insaktong katin-awan sa Mamasapano encounter. Pastilan no, upat ka adlaw na human sa hitabo wala pa siyay kalibutan. Siya god ang commander in chief. Unsang klaseng pagka-Presidente. Nagduda ko nga nagduwa siyag ‘game boy’ niadtong maong mga adlawa. Pagkatoytoy! (bobby.nalzaro@yahoo.com)

Gipatik sa mantalaang SuperBalita Cebu Marso 29, 2015.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!