Modepensa na sab

Monday, March 30, 2015 - 08:58 p.m.

HUMAN sa iyang 9th round TKO nga kadaugan batok kang Mexican Gilberto Parra niadtong Sabado sa Pinoy Pride 30: D-Day sa Araneta Coliseum, si World Boxing Organization (WBO) junior flyweight champion Donnie “Ahas” Nietes nakatakdang mo­sagubang og malisod nga tahas sa umaabot.

Ang Pinoyng boksidor nga labing dugayng naggunit og world title modepensa na sab sa iyang korona karong Hulyo 4 dinhi sa Sugbo batok sa iyang mandatory challenger nga si Mexican Francisco Rodriguez.

Gullas, guest sa SAC-SMB All-Cebu Sports Awards

Monday, March 30, 2015 - 08:57 p.m.

ANG Sugbuanong philanthropist, educator ug sportsman Jose ‘Dodong’ R. Gullas maoy guest of honor sa 33rd Sportswriters Association of Cebu-San Miguel Brewery (SAC-SMB) All-Cebu Sports Awards nga ipahigayon karong alas 3:00 sa hapon sa Activity Center sa Ayala Center Cebu.

Si Gullas, kinsa kasamtangang Executive Vice President sa University of the Visayas, dili lang motunga sa kalihukan isip motivational speaker apan isip usa sab ka special awardee.

Cavs nakaipsot sa Sixers

Monday, March 30, 2015 - 08:56 p.m.

GIPAHUGTAN sa host Cleveland Cavaliers ang ilang paggunit sa ikaduhang dapit sa Eastern Conference pinaagi sa makutas nga kadaugan batok sa Philadelphia 76ers, 87-86, kagahapon sa National Basketball Association (NBA).

Ang Cavaliers naggunit na karon og 48-27 nga rekord ug na­kagintang sila’g gamay sa Chicago Bulls nga naa sa ikatulong dapit dala ang 45-29 nga baraha.

PowerPlay registration sugdan na ugma

Monday, March 30, 2015 - 08:55 p.m.

SUGDAN na ugmang adlawa ang pagpangrehistro sa PowerPlay basketball training camp nga ipahigayon sa Lapu-lapu gymnasium (tapad sa simbahan sa Birhen sa Regla), dakbayan sa Lapulapu ug sa Mandaue City.

Kini maoy gipahibawo sa training director nga si Larry Villanil, kanhi magduduwa sa Ginebra San Miguel sa PBA.

3-cock Fiesta derby sa Buanoy, Apr. 20

Monday, March 30, 2015 - 08:54 p.m.

MGA inilang derbyista sa Sugbo ang kompirmadong mangapil sa umaabot nga 3-cock Fiesta Derby nga ipahigayon karong Abril 20, 2015 (adlawng Lunes) sa Mier Recreation Center, sa Barangay Buanoy, lungsod sa Balamban.

Mokabat ngadto sa P200,000 nga guaranteed prize ang nakahan-ay sa maong derby nga adunay pot money nga P4,400 ug may minimum bet nga P2,200. Ang weigh-in himuon sa Abril 19 (adlawng Dominggo) sa Mer Recreaton Center.

Painters-Bolts semis sugdan karong gabii

Monday, March 30, 2015 - 08:52 p.m.

Duwa karon: (Araneta Coliseum) 7:00 p.m. – Rain or Shine vs.  Meralco (Semis: Game One)

SUGDAN karong gabii ang best-of-five semifinals round tali sa top seed Rain or Shine ug sa no. 5 Meralco Bolts sa nag-inusarang duwa sa nagkainit na nga PBA Commissioner’s Cup sa Araneta Coliseum.

Muay Thai summer clinic sugdam Apr 6

Monday, March 30, 2015 - 08:51 p.m.

MOPAHIGAYON ang Muay Thai Association of the Philippines-Cebu chapter og usa ka buwan nga summer clinic sugod karong Abril 6 sa 4th floor sa Coast Pacific Downtown Center atbang sa University of Cebu (UC) Main campus sa dalan Sanciangko ning dakbayan.

Ang Muay Thai usa sa labing bantugang combat sport nga nagagikan sa Thailand. Mogamit kini’g stand-up striking inuba­nan sa nagkadaiyang clinching techniques.

Fajardo nag-una gihapon sa stats

Monday, March 30, 2015 - 08:50 p.m.

BISAN sayong nanamilit ang iyang team nga San Miguel Beermen sa Philippine Basketball Association (PBA) Commissioner’s Cup, ang Sugbuanong higante mao gihapon ang nag-una sa statistical race alang sa Best Player of the Conference award.

Si Fajardo, kinsa maoy kasamtangang MVP ug BPC awardee sa miaging Philippine Cup, adunay 33.9 statistical points human kini nag-average og 16.5 puntos, 12.6 rebounds, ug 1.9 blocks.

GIPANG-TKO

Sunday, March 29, 2015 - 09:56 p.m.

QUEZON City – Impresibong ka­­da­ugan maoy gidalit ni kanhi five-time world champion Nonito “The Filipino Flash” Donaire Jr. ug WBO world light flyweight champion sa Pinoy Pride 30: D-Day human tag­satagsa nilang gipang-knockout ang ilang mga langyawng kaatbang niad­tong Sabado sa Araneta Coliseum.

Malacanang mipahalipay ni Donaire, Nietes

Sunday, March 29, 2015 - 09:54 p.m.

GI-CONGRATULATE sa Ma­la­cañang sila si Nonito “The Filipino Flash” Donaire ug Donnie “Ahas” Nietes human sa ilang kalampusan sa Pinoy Pride 30: D-Day boxing promotion niadtong Sabado sa Araneta Coliseum sa Manila.

Si Donaire, nakabawi gikan sa knockout nga kapildihan ug gipahimungtan si Brazilian Wil­iam Prado, kinsa iyang gi-TKO sa 2nd round samtang si Nietes na­kadepensa na sab sa iyang World Boxing Organization (WBO) light flyweight title pinaagi sa TKO 10 nga kadaugan batok kang Mexican Gilberto Parra.

Warriors pormal nga miangkon sa no. 1 spot

Sunday, March 29, 2015 - 09:53 p.m.

NAANGKON sa Golden State Warriors ang no.1 spot sa Western Conference human nila gipangmakmak ang host Milwaukee Bucks, 109-95, kagahapon sa National Basketball Association (NBA).

Sama sa naandan, ang Warriors gipangulo­han na sab sa ilang Splash Brothers nga sila si Stephen Curry ug Klay Thompson. Si Curry ni­mugna og 25 puntos sam­tang nidugang og 21 puntos si Thompson.

Jaguars mosalmot sa FilOil

Sunday, March 29, 2015 - 09:52 p.m.

MOSALMOT sa labing unang higayon ang University of San Jose-Recoletos (SUJR) Jaguars sa FilOil-Flying V Premier Cup 2015 nga gikatakdang sugdan karong Abril 18 sa The Arena sa San Juan.

Makig-uban ang Jaguars sa Cebu Schools Athletic Foundation Inc. (CESAFI) champions Southwestern University (SWU) Cobras isip mao ra’y out-of-teams nga mangapil sa torneyo.

Hawks no.1 sa eastern

Saturday, March 28, 2015 - 07:04 p.m.

NAANGKON sa host Atlanta Hawks ang no.1 spot sa Eastern Conference human nila gipabugnaw ang Miami Heat, 99-86, kagahapon sa National Basketball Association (NBA).

Kini maoy ikaduha pa lang higayon sa ilang prankisa nga nasakmit sa Hawks ang no.1 status sa Eastern Conference.

Season ni Durant nahuman og sayo

Saturday, March 28, 2015 - 07:03 p.m.

DILI makabalik ang kasamtangang MVP nga si Oklahoma City forward Kevin Durant sa nahabiling mga duwa sa National Basketball Association (NBA) 2014-15 season.

Si Durant, kinsa katapusang nakaduwa niadtong Pebrero 19, gikatakdang operahan sa iyang tuo nga tiil sa sunod semana.

Semis ang punterya

Saturday, March 28, 2015 - 07:02 p.m.

Mga duwa karon:

3:00 pm – Alaska batok Purefoods 5:15 pm – Meralco batok Nlex

Migallen: Makuting tahas sa Alaska

Saturday, March 28, 2015 - 07:01 p.m.

MANILA – Wa usiki ang kahigayonan, migahin usab kitag panahon sa linawas nga pagtan-aw sa pagsugod sa quarterfinal round sa nagkainit nga PBA Commissioner’s Cup sa Araneta Coliseum.

Uban nato ang pipila ka mga sportswriters nga nagagikan sa Sugbo, dakbayan sa Davao ug Bacolod nga tuyong miari sa Kaulohan aron pag-cover sa Pinoy Pride 30: D-Day nga gipahigayon kagabii sa Big Dome.

MGM, Aspa sa finals

Saturday, March 28, 2015 - 07:00 p.m.

MAG-ABOT sa finals ang MGM Sounds and Promotions ug ang Aspa Scaffoldings sa 7th CAV Invitational Basketball tournament human nila tagsatagsang gipangpukan ang ilang mga kaatbang sa semifinals round sa Tejero Sports Complex niadtong Huwebes sa gabii.

Ang MGM mihulbot sa unang luna pinaagi sa pag­lubong sa Crystal Kings, 83-69, samtang ang Aspa nakaipsot sa pagpanghudlat sa San Remegio Properties, 63-68, aron usab pag-angkon sa ikaduhang puwesto sa finals.

Knockout ang tuyo

Friday, March 27, 2015 - 08:27 p.m.

CUBAO, Quezon City - Knockout nga kadaugan maoy anaa sa alimpatakan nila ni WBO world light flyweight king Donnie Ahas Nietes ug kanhi five-time world champion Nonito “The Filipino Flash” Donaire sa ilang pagpakigsangka batok sa tagsatagsa nila ka kaatbang karong gabii sa Pinoy Pride 30: D-Day sa Araneta Coliseum.

Si Nietes, pipila ka gutlo human sa tinimbangay kagahapon sa Araneta Coliseum, nagtuo nga iyang matumba ang mas taas nga challenger nga si Gilberto Parra sa Mexico bisan tuod wa siya mopasalig og unsa nga round.

Gipahimangnuan si Pacquiao kabahin sa tikas ni Mayweather

Friday, March 27, 2015 - 08:26 p.m.

GIPAHIMANGNUAN sa beteranong Filipino international referee nga si Carlos “Sonny” Padilla si Manny Pacquiao nga mag-amping og maayo sa pagpakigbatok niini kang Floyd Mayweather Jr. karong Mayo 3 (RP time) sa Las Vegas.

Gipasabot ni Padilla nga naila si Mayweather nga tikasan ug buhaton niini ang tanan aron lang modaog sa labing dakong away sa kasaysayan sa boksing.

Bayad sa sinehan, PPV mosaka

Friday, March 27, 2015 - 08:25 p.m.

GUMIKAN sa ka dako sa away sa pinansyal nga aspeto, dili na ikasurpresa nga mobayad og mas dako kumpara sa naandan ang Filipino boxing fans aron ma­katan-aw og live broadcast sa away nila ni Manny Pacquiao ug Floyd Mayweather Jr.

Gilauman nga mosaka ang bayad sa mga sinehan ug pay-per-view gumikan kay niabot sa $10 million ang gibayran sa Solar Entertainment aron maangkon ang katungod sa pagpasalida sa away sa Pilipinas.

Harden MVP contender

Friday, March 27, 2015 - 08:24 p.m.

HINAYHINAY nang gihangop ni Houston Rockets guard James Harden nga usa siya ka lig-ong kandidato alang sa MVP award sa 2014-15 season sa National Basketball Association (NBA).

Dili ikalimod nga impresibo kaayo’g gipakita si Harden karon nga season.

Pacers lupig sa Bucks

Friday, March 27, 2015 - 08:23 p.m.

NIMUGNA og career-high 34 puntos si Ersan Ilyasova aron agakon ang host Milwaukee Bucks batok sa Indiana Pacers, 111-107, kagahapon sa National Basketball Association (NBA).

"Sometimes, you have days like this," matod ni Ilyasova.

Hunat Sugbo modani’g runners

Friday, March 27, 2015 - 08:22 p.m.

PAGDANI og mas daghang runners ug hilabi na sa mga wa pa nakasugod og dagan mao ang tahas ug hagit alang sa mga nag-organisar sa 5th Hunat Sugbo “Dagan Para ni Maning” nga gikatakda karong Hunyo 21 sa The Terraces sa Ayala.

Mao kini ang gipabuhagay sa usa sa mga nagpasiugda sa sa lumba nga si Cen Manguilimotan kagahapon sa usa ka press conference sa Parklane Hotel kagahapon.

TnT, RoS grabe ka inilog

Friday, March 27, 2015 - 08:20 p.m.

Mga duwa karon

3:00 pm – Talk ‘N Text vs.  Barako Bull 5:15 pm – Rain or Shine vs. Ginebra

Dominasyon ni Nietes putlon

Thursday, March 26, 2015 - 09:20 p.m.

ANG tanan adunay katapusan.

Mao kini ang pasumbingay sa Mexicanong si Gilberto Parra, (19-2, 17 KOs) kinsa masaligon nga iyang matapos na ugmang adlawa ang hataas nga dominasyon ni Donnie “Ahas” Nietes sa WBO light flyweight division sa main match sa Pinoy Pride 30: D-Day sa Smart-Araneta Coliseum.

Pacquiao naproblema sa iyang batiis

Thursday, March 26, 2015 - 09:18 p.m.

TALIWALA ning unang hugna sa training camp, aduna karoy giatubang nga medical issue si Manny Pacquiao nga dili mahimong itago sa iyang trainer nga si Freddie Roach.

Gibutyag ni Roach sa Yahoo Sports nga sa kasamtangan si Pacquiao perming bation og pamikog sa iyang batiis samtang nagpadayon ang ilang training alang sa mega fight batok ni Floyd Mayweather Jr. karong Mayo 2 didto sa Las Vegas, Nevada.

Fiesta derby sa Mandaue sa Mayo

Thursday, March 26, 2015 - 09:17 p.m.

MOKABAT ngadto sa P1.2 milyones ang nakahan-ay nga premyo alang sa umaabot nga Mandaue Fiesta 4-cock/bullstag combo derby nga ipahigayon sa Mayo 1, 6, 7, 8 ug 9, karong tuiga.

Ang pot money mokantidad og P7,700 matag entry. Gitugotan nga makasalmot ang straight four entry nga may pot money nga P11,000.

Mga TV networks maghiusa: Solar

Thursday, March 26, 2015 - 09:17 p.m.

ARON paghatag og igong katagbawan sa tanang mga Pinoy fans, ang mga higanting television networks sa nasod naghiusa sa pagpasalida sa makasaysayanon nga panagsangka tali ni Manny Pacquiao ug Floyd Mayweather Jr.

Matod pa sa Solar Sports, ang upat ka mga networks sa ABS-CBN, GMA, TV5 ug ang Solar nagkauyon nga magkumboya sa pagpasalida sa giingong mega fight nga ipahigayon karong Mayo 2 didto sa Las Vegas, Nevada.

P1-M special quorom sa Talisay, April 1

Thursday, March 26, 2015 - 09:15 p.m.

USA ka 5-cock birthday derby (special quorum) ang ipahigayon karong Abril 1 diha sa Talisay Tourism complex sa Tabunok, dakbayan sa Talisay.

Gibana-bana nga moabot ngadto sa 60 ka entries ang mosalmot sa maong derby nga gipahinungod sa kasumaran sa adlawng natawhan ni Vincent Rojo, usa sa mga inilang derby promoter sa Sugbo.

PBA quarterfinals sugdan na

Thursday, March 26, 2015 - 09:14 p.m.

HUMAN sa makuting dalan sa elimination round, sugdan karong adlawa ang lain na usab ug mahagitong hugna sa quarterfinals series sa nagkainit nga PBA Commissioner’s Cup sa Araneta Coliseum.

Lab-as pa sa ilang kadaugan batok sa Ginebra niadtong Miyerkules, 104-98, nga maoy naghatag kanila og dalan sa quarterfinals, ang Alaska Aces, ang no. 6 sa overall standing, mo­sagubang sa higpit nga kari­bal niini nga Purefoods Star Hot­shots, no. 3, sa main game nga sugdan karong alas 7 sa gabii.

  • Festivals
  • Habemus Papam
  • Sinulog
  • ePaper
  • SunStar Celebrity
  • Pacman blog
  • Sunstar Multimedia
  • Sun.Star Zup!
  • Obituary
  • Philippine Polls
  • Technology
  • Papal Visit
  • Calamity Report
  • tell it to sunstar
  • goodearth
  • Filipino Abroad
  • Pnoy