Lalaki nga missing napalgang patay

-A A +A

Monday, March 30, 2015


PATAY na nga napalgan ang usa ka lalaki nga missing sukad pa niadtong adlawng Biyernes sa Barangay Tambaling, siyudad sa El Salvador, Misamis Oriental.

Si Police Inspector Mohamed Artur, kinsa deputy station commander sa El Salvador Police Station, miila sa biktima nga mao si Eleazer Alon, hingkod ang edad, lumad nga taga Pampanga ug nilangyaw lamang sa dapit kuyog ang mga higala.

Sa inisyal nga report, nangaligo ang biktima kuyog sa iyang mga higala sa naasoyng dapit dihang kalit lang midako ang balod ug nadala sa lawom nga bahin ang mga biktima.

Advertisement

Si Alon wala na makita niadtong tungora samtang iyang mga kauban nakalingkawas.

Tungod niini, gipangita ang biktima apan pakyas silang makita kini sugod niadtong adlaw hangtod adlawng Sabado apan sa tabang sa El Salvador City Disaster Risk Reduction Management Council (CDRRMC) pangulohan ni Teodulfo Bombeo napalgan niadtong Domingo sa hapon ang patayng lawas sa biktima nga anaa ilawom pa sa dagat.

Kini gibanabanang anaa pa sa 13 ka dupa ang gilawomon.

Wala pa usab miburot ang tiyan niini atol sa pagkakita tungod kay lugdang paman kini dihang nakita.

Gihulat lang sa kauban niini nga makita ang iyang lawas ug gikatakdang dalahon kini sa Pampanga. (SVB

Gipatik sa mantalaang SuperBalita Cagayan de Oro Marso 31, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!