4 patay sa engkwentro

-A A +A

Monday, March 30, 2015


GITUOHANG sakop sa New People’s Army (NPA) ang tulo ka mga lalaki nga nakabsan sa kinabuhi human sa engkwentro nga nahitabo niadtong Domingo sa buntag sa boundary nga bahin sa Mantibugao, Manolo Fortich, Bukidnon, ug
Purok-9, Barangay Casinglot, lungsod sa Tagoloan Misamis Oriental.

Si Police Chief Inspector Dante Encarcion, kinsa hepe sa Manolo Fortich Municipal Police Station, niingon nga mipahigayon og combat operation ang mga kasundalohan ubos sa tropa ni First Lieutenant Lorefel Judaya niadtong Domingo mga alas 8:00 sa buntag dihang adunay naengkwentro sa maong dapit nga gituohang mga sakop sa NPA.

Human sa pila ka minuto nga pagbinayloay og bala ug dihang mi-withdraw ang giingong pipila ka mga sakop sa NPA, adunay napalgan nga tulo ka mga lalaki nga namatay.

Advertisement

Giila ang mga biktima nga mao si Nemesio Casas Sr., ug anak niining si alyas Pepe ug kauban nga giilang si Bernabe.

Giingong si Nemesio aduna nay daan warrant of arrest.

Matud ni Encarcion nga nakuha usab sa posisyon sa tulo ka patay'ng lawas ang tulo ka mga tag-as nga armas.

Hinuon, dili pa niini makumpirma nga mga sakop gyod kini sa NPA apan maoy sulti lamang sa mga nakasaksi atol sa engkwentro.

Wala usab gikumpirma ni Encarcion nga ang usa ka babaye nga giilang si Rosalie Alito nga residente sa susamang dapit kinsa sibilyan ang naangin sa insidente ug nakabsan sa kinabuhi dihang gidala sa Northern Mindanao Medical Center human sa record gikatahong naigo atol sa pagbinayloay sa bala.

Sa kasamtangan, padayon pa nga giimbestigahan sa kapolisan ang kinatibuk-an nga panghitabo.

Gipatik sa mantalaang SuperBalita Cagayan de Oro Marso 31, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!