Pagpalong sa mga suga gihimo

-A A +A

Sunday, March 29, 2015


NIADTONG Sabado sa gabii gihimo ang Earth Hour dili lamang dinhi sa siyudad sa Cagayan de Oro apan sa tibuok nasod.

Ang SM City Cagayan de Oro maoy usa sa nipasiugda sa Earth Hour diin ang programa pormal nga gisugdan sa alas 7:30 sa gabii sa open parking sa SM Cagayan de Oro Las Ramblas.

Ang maong establismento ang kada tuig nga manguna niini.

Advertisement

Ang tema sa programa ning tuig nga Earth Hour mao ang “change climate change.” Usa kini ka oras nga kalihokan diin gipalong ang mga sugang dagitab sulod sa usa ka oras.

Niadtong Sabado ubay-ubay ang misalmot niini dili lamang ang naasoyng establismento apan apil ang mga puloy-anan ug mga dagkong buhatan.

Suportado usab ni Misamis Oriental Governor Yevgeny Emano ang Earth Hour ug gibutyag niini nga aron makatabang sila sa planet earth ila usab nga gipalong ang tanan suga sa kapitolyo.

Matud niini nga gamay ra kayo kana nga pabor nga sa 365 ka adlaw usa lang ka oras ang gipangayo nga palungon tungod kay kini dakong tabang sa kinaiyahan.

Sa iyang bahin usab ni Ralph Paguio kinsa Senior Vice President sa Cagayan Electric Power & Light Company, Inc miingon nga makatabang ang pagpalong og suga dili lang sa kinaiyahan apan sa nagkagamay nga supplay sa kuryente. (SVB)

Gipatik sa mantalaang SuperBalita Cagayan de Oro Marso 30, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!