Modus ning panahon sa graduation nasapon

-A A +A

Sunday, March 29, 2015


GIBALHOG sa prisuhan ang usa ka lalaki human giingong nangilad atol sa usa ka kalihokan sa Barangay 35, ning siyudad sa Cagayan de Oro.

Nasikop sa kapolisan mao si James Ilaco, 18, taga Dolores St. ning siyudad sa Cagayan de Oro, kinsa giingong nagpatuong’ usa ka free lancer sa usa ka tv network.

Gibutyag ni Police Station 2 (PS2) deputy station commander Bernard Collegio nga si Ilaco daw susama sa usa ka tempo artist.

Advertisement

Matud niini nga magpasumangil kini nga imbitado sa usa ka kalihokan ug diay mangbiktima paghidangat sa dapit.

Uwahing biktima niini ang usa ka tinun-an sa usa ka unibesrisdad. Mitambong ang suspek sa graduation ball sa tunghaan nga gipahigayon sa Pearlmont Inn.

Giduolan sa suspetsado ang biktima ug mitanyag siya ang mokuha sa hulagway niini gamit ang camera sa biktima apan daw gisibat niini ang maong butang.

Ang maong tinun-an mireklamo sa kapolisan ug gilusad ang operasyon batok sa suspek.

Nanawagan si Collegio sa posibleng nabiktima sa suspetsado nga mobisita sa ilang buhatan aron kini mapasakaan og tukmang kaso.

Gitouhan ni Collegio nga posibleng dili lang kini ang unang higayon nga nangbiktima ang suspek apan posibleng mao kini iyang modus kung dunay mga kalihokan. (SVB)

Gipatik sa mantalaang SuperBalita Cagayan de Oro Marso 30, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!