Amahan giihaw

-A A +A

Sunday, March 29, 2015


PATAY ang usa ka amahan human giluba sa silingan niini niadtong nilabayng adlaw sa Barangay Poblacion, lungsod sa Talakag, Bukidnon.

Giila ang biktima nga mao si Oscar Paderna, hingkod ang edad, residente sa susamang dapit. Gitumbok nga suspetsado mao si Joaquin Ramonal Jr.

Sa inisyal nga imbestigasyon sa kapolisan sa Talakag Police Station nasuta nga ang biktima ug ang suspetsado nag-vigil niadtong tungora sa namatay nga silingan apan giingong nagbikil ang duha samtang sila nagdula og baraha.

Advertisement

Ang inahan sa suspetsado nga mao si Evangeline misasaysay nga daw nasuko ang iyang anak tungod kay gasige kini padungog-dungogon ug dili maayong estorya sa biktima ug anak niini. Dihang milakaw nalang gisundan ug gibunalan sa biktima ug mitabang pa ang kauban nga anak.

Giingong tungod sa kaulit sa suspetsado, nahinaykan niini og luba ang biktima kinsa nakaangkon og nagkadaiyang samad sa lain-laing parte sa lawas nga maoy hinungdan sa iyang kamatayon.

Ang suspetsado aduna gihapon samad tungod sa pagpamunal ug anaa karon giobserbahan sa Northern Mindanao Medical Center (NMMC) ning siyudad sa Cagayan de Oro. Apan panahon nga makagawas kini sa ospital, deretso kining ibalhog sa prisuhan.

Gipatik sa mantalaang SuperBalita Cagayan de Oro Marso 30, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!