Mag-uuma girakrakan, patay

-A A +A

Thursday, March 26, 2015


MOKABAT sa 14 ka mga samad pinusilan ang naangkon sa usa ka lalaki, kinsa napalgan nga wala nay kinabuhi niadtong nilabay'ng adlaw sa Tulogan, Barangay Songco, lungsod sa Lantapan, Bukidnon.

Giila ang biktima nga mao si Randy C. Delfin, hingkod ang edad, minyo, nagtrabaho isip mag-uuma ug residente sa dapit.

Sa inisyal nga imbestigasyon sa Lantapan Municipal Police Station, nasuta nga ang biktima nakaangkon og mokabat 14 ka mga samad pinusilan sa lawas diin tulo niini ang milahos sa likod nga bahin.

Advertisement

Nasayran nga sakay sa kolor itom nga motorsiklo ug walay plaka ang duha ka wala maila nga suspetsado diin ang driver nagsul-ob og helmet samtang ang backrider niini nagsul-ob og bonnet kinsa miduol sa biktima nga anaa niadtong tungora naglingkod sa waiting shed nga bahin.

Nipasumangil pa og pangutana ang mga suspek apan sa pagtubag sa biktima, deretso niining gitionan og armas ug gipusil makaduha ka higayon si Delfin.

Misuway pa og dagan ang biktima apan gigukod kini sa suspetsado ug girakrakan makapila ka higayon hinungdan sa pagkahapla niini ug didto ra usab nakabsan sa iyang kinabuhi tungod sa kadaghan nga samad nga naangkon. Dali nga misibat ang mga suspetsado.

Ang kapolisan wala pay manganlan nga suspetsado ning panahona labina padayon pa nga gisuta ang motibo sa pagpamusil patay.

Gipatik sa mantalaang SuperBalita Cagayan de Oro Marso 27, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!