‘Gidumtan’ sa NPA patay

-A A +A

Thursday, March 26, 2015


PATAY ang usa ka sakop sa Citizen Armed Force Geographical Unit (Cafgu) human gipusil sa gituohang mga miyembro sa New People's Army (NPA) kagahapon mga alas 6:30 sa buntag sa Barangau Alipuaton, lungsod sa Salay, Misamis Oriental.

Giila ang biktima nga mao si Manuel Bustamante, hingkod ang edad, residente sa susamang dapit ug sakop sa Cafgu nga nadestino sa maong dapit.

Sa inisyal nga imbestigasyon sa Salay Police Station pangulohan ni Senior Inspector Cesar Sumapig, nasuta nga ang biktima sakay sa iyang motorsiklo ang biktima niadtong tungora dihang gibabagan sa mga armado.

Advertisement

Gani sa taho sa mga nakakita sa insidente ngadto sa kapolisan, nasuta nga aduna gani sibilyan ug gimandoan sa gibana-banang pito ka mga armado nga ipapahawa tungod kay ilang tuyo lamang niadtong tungora mao si Bustamante.

Naabtan sa kapolisan nga nagbuy-od nga nakatalikod ug wala nay kinabuhi ang biktima sa kasagingan nga bahin sa naasoyng barangay.

Gani ang nahimutangan niini pila pa ka kilometro ang kalay-on gikan sa sentrong bahin sa Salay.

Sa pagsulat ning balita, kasamtangan pa nga gihulat sa kapolisan ang personahe sa Scene of the Crime Operatives aron pagsusi sa patay'ng lawas.

Dugang ni Sumapig nga mga usa na ka tuig ang nilabay'ng gisuwayan gihapon og pusil si Bustamante apan nakalingkawas kini sa kamatayon.

Gitumbok nga suspetsado niadtong panahona mao gihapon ang grupo sa NPA.

Samtang wala na mikomento si Sumapig sa report nga gidumtan ang biktima sa mga NPA tungod kay kanhi kini miyembro sa NPA ug nibalik sa sabakan sa gobyerno, nahimong miyembro sa Cafgu ug ilang nakita nga aktibo kini kaayo sa pagukod sa mga walhong pundok.

Gipatik sa mantalaang SuperBalita Cagayan de Oro Marso 27, 2015.

Balita

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!