Way salig sa brgy. officials?

-A A +A

Monday, March 30, 2015


LIMA ka mga minor-de-edad ang lakip sa mga nangasikop atol sa gipahigayong ronda sa usa ka drug den diha sa barangay Duljo-Fatima, dakbayan sa Sugbo sa miaging Biyernes.   

Ang pagpangronda daling gipahigayon human ang mga tinugyanan sa balaod nga gipangoluhan ni Supt. Romeo Santander sa Cebu City Intelligence Branch (CCIB) nakadawat og inpormasyon gikan mismo sa pipila ka mga ginikanan sa maong dapit.

Dako kining insulto ngadto sa mga barangay officials sa Duljo-Fatima kay imbis adto unta nila motaho ang mga ginikanan kay mao man gyud unta ni ang paagi, nideritso na man hinuon ngadto sa kapulisan.

Advertisement

Buot bang ipasabot nga wa nay pagsalig ang maong mga ginikanan ngadto sa ilang mga barangay official?

Si Santander mibutyag nga way mga officials sa Duljo-Fatima nga mitudlo kanila og mga dapit diin mag-pot session ang mga drug addict.

Sa niaging tuig, matod ni Santander, way opisyal sa maong barangay nga mipirma sa search warrant nga magamit sa usa ka anti-illegal drug operation.

Kini maoy angay tubagon ni Kapitan Elmer Abella kon nganong minus ang ilang kordinasyon ngadto sa kapulisan.

Mao na kini tukma nga magpatawag siya og press conference aron ipahibawo ang tinud-anay nga rason.

Kini man gud si Abella, pipila ka adlaw sa wa pa ang raid niadtong Biyernes, nagpatawag og press conference aron pagpahibawo nga ang giilang drug lord nga si Jeffrey “Jaguar” Diaz miundang na sa pagnegusyo og shabu.

Daghan ang nasurprisa sa iyang gibuhat kay daw sa nahimo man siyang spokesman ni Diaz. Mora man og wa niya respetohi ang iyang pagka kapitan.

Published in the Sun.Star Cebu newspaper on March 31, 2015.

Opinion

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!