4 patay sa engkwentro

Monday, March 30, 2015 - 09:57 p.m.

GITUOHANG sakop sa New People’s Army (NPA) ang tulo ka mga lalaki nga nakabsan sa kinabuhi human sa engkwentro nga nahitabo niadtong Domingo sa buntag sa boundary nga bahin sa Mantibugao, Manolo Fortich, Bukidnon, ug Purok-9, Barangay Casinglot, lungsod sa Tagoloan Misamis Oriental.

Si Police Chief Inspector Dante Encarcion, kinsa hepe sa Manolo Fortich Municipal Police Station, niingon nga mipahigayon og combat operation ang mga kasundalohan ubos sa tropa ni First Lieutenant Lorefel Judaya niadtong Domingo mga alas 8:00 sa buntag dihang adunay naengkwentro sa maong dapit nga gituohang mga sakop sa NPA.

LTO mibawal sa driver pag-inom

Monday, March 30, 2015 - 09:56 p.m.

HUGOT nga gipanawagan sa Land Transportation Office (LTO)-Northern Mindanao ang mga driver sa nagkadaiyang pampublikong sakyanan nga gidili kanila ang pagmaneho nga ubos sa ilimnong makahubog.

Kini ang gibutyag ni LTO-Northern Mindanao Director Hilarion Olip ug miingon nga aduna silay breath analyser ning panahona nga makasulti kung ang usa ka driver lango ba sa ilimnong makahubog.

Lalaki nga missing napalgang patay

Monday, March 30, 2015 - 09:56 p.m.

PATAY na nga napalgan ang usa ka lalaki nga missing sukad pa niadtong adlawng Biyernes sa Barangay Tambaling, siyudad sa El Salvador, Misamis Oriental.

Si Police Inspector Mohamed Artur, kinsa deputy station commander sa El Salvador Police Station, miila sa biktima nga mao si Eleazer Alon, hingkod ang edad, lumad nga taga Pampanga ug nilangyaw lamang sa dapit kuyog ang mga higala.

Seguridad gipatuman sa mga terminal

Monday, March 30, 2015 - 09:56 p.m.

GISUGDAN na ang hugot nga seguridad nga gipatuman sa kapolisan diha sa mga bus terminal sa weste ug este nga bahin sa siyudad sa Cagayan de Oro.

Sa Agora Integrated Bus Terminal diin sagad nga modagsa ang katawhan paingon sa nagkalain-laing probinsya ang gitutokan na sa kapolisan.

Panikaysikay sa lukay sa Palm Sunday

Sunday, March 29, 2015 - 09:52 p.m.

ATOL sa kasaulogan sa Palm Sunday kagahapon, ubay-ubay ka mga mamaligyaay usab ang nakakwarta ug gitawag nila kining dugang income niadtong adlawa dinhi sa siyudad sa Cagayan de Oro.

Si Maribeth Casili, taga Impasug-ong, Bukidnon ang miplastar sa gawas sa simbahan sa Nazareno Church aron mamaligya og lukay tungod kay nasayod kini nga halinon kini kaayo denhi sa siyudad.

Modus ning panahon sa graduation nasapon

Sunday, March 29, 2015 - 09:51 p.m.

GIBALHOG sa prisuhan ang usa ka lalaki human giingong nangilad atol sa usa ka kalihokan sa Barangay 35, ning siyudad sa Cagayan de Oro.

Nasikop sa kapolisan mao si James Ilaco, 18, taga Dolores St. ning siyudad sa Cagayan de Oro, kinsa giingong nagpatuong’ usa ka free lancer sa usa ka tv network.

Pagpalong sa mga suga gihimo

Sunday, March 29, 2015 - 09:51 p.m.

NIADTONG Sabado sa gabii gihimo ang Earth Hour dili lamang dinhi sa siyudad sa Cagayan de Oro apan sa tibuok nasod.

Ang SM City Cagayan de Oro maoy usa sa nipasiugda sa Earth Hour diin ang programa pormal nga gisugdan sa alas 7:30 sa gabii sa open parking sa SM Cagayan de Oro Las Ramblas.

Amahan giihaw

Sunday, March 29, 2015 - 09:50 p.m.

PATAY ang usa ka amahan human giluba sa silingan niini niadtong nilabayng adlaw sa Barangay Poblacion, lungsod sa Talakag, Bukidnon.

Giila ang biktima nga mao si Oscar Paderna, hingkod ang edad, residente sa susamang dapit. Gitumbok nga suspetsado mao si Joaquin Ramonal Jr.

Mag-uuma girakrakan, patay

Thursday, March 26, 2015 - 09:21 p.m.

MOKABAT sa 14 ka mga samad pinusilan ang naangkon sa usa ka lalaki, kinsa napalgan nga wala nay kinabuhi niadtong nilabay'ng adlaw sa Tulogan, Barangay Songco, lungsod sa Lantapan, Bukidnon.

Giila ang biktima nga mao si Randy C. Delfin, hingkod ang edad, minyo, nagtrabaho isip mag-uuma ug residente sa dapit.

‘Gidumtan’ sa NPA patay

Thursday, March 26, 2015 - 09:21 p.m.

PATAY ang usa ka sakop sa Citizen Armed Force Geographical Unit (Cafgu) human gipusil sa gituohang mga miyembro sa New People's Army (NPA) kagahapon mga alas 6:30 sa buntag sa Barangau Alipuaton, lungsod sa Salay, Misamis Oriental.

Giila ang biktima nga mao si Manuel Bustamante, hingkod ang edad, residente sa susamang dapit ug sakop sa Cafgu nga nadestino sa maong dapit.

Oplan Semana Santa gilusad sa Misamis Oriental

Thursday, March 26, 2015 - 09:20 p.m.

HUGOT nga seguridad ang gimando ni Misamis Oriental Governor Yevgeny Emano sa padangaton nga kasaulogan sa Semana Santa denhi sa tibuok probinsya sa Misamis Oriental.

Gibutyag niini nga ang Oplan Semana Santa gipangulohan mismo ni Dra. Bebina T. Casiño ug Misamis Oriental Provincial Police Officer Leonilo Cabug.

Hugot nga seguridad sa pagbisita ni Iqbal, Ferrer ug Deles

Thursday, March 26, 2015 - 09:20 p.m.

MAMATIKDAN ang labihan ka hugot nga seguridad nga gipatuman sa Cagayan de Oro City Police Office (Cocpo), Roads and Traffic Administration (RTA) ug ingon man sulod mismo sa Xavier University Gym atol sa pagbisita sa sa tulo ka mga dagkong haligi sa peace panel sa Bangsamoro Basic Law (BBL).

Kagahapong adlawa, nahimong espesyal nga bisita sa atol sa convocation sa Xavier University sila si Secretary Teresita Quintos-Deles, Professor Miriam Coronel-Ferrer, ug Mohagher Iqbal aron modawat og award sa Xavier University.

5 patay sa masaker

Wednesday, March 25, 2015 - 09:41 p.m.

ILIGAN CITY -- Tulo ka mga babaye ug duha ka mga lalaki ang gimasaker Myerkules sa kaadlawon sulod sa usa ka lawak sa lodging house nga nahimutang sa B.S. Ong St. ning dakbayan.

Naila ang mga namatay nga sila si Vanz Paquingan, 19; Glaiza Castillano, hingkod ang panuigon; usa ka naila lamang nga Kia; Mohammad Ali Amerol, 24; ug wala pa mailang lalaki.

Lider sa ‘martilyo gang’ mihimakak

Wednesday, March 25, 2015 - 09:40 p.m.

HUGOT nga gihimakak sa giingong lider sa martilyo gang nga dinakpan ang iyang kalambigitan sa mga pagpanulis.

Ang suspetsado nga mao si Glenn Tayros ang nadakpan sa mga otoridad didto sa Misamis Occidental niadtong Marso 20 sa usa ka food chain ug gidala dinhi sa siyud sa Cagayan de Oro tungod kay giakusahan kini nga dunay kalambigitan sa mga dagkong pagpanulis nga natigayon sa siyudad.

Oplan Ligtas Biyahe ilusad sa LTO

Wednesday, March 25, 2015 - 09:40 p.m.

KARONG Biyernes, maglibot suroy ang mga personahe sa Land Transportation Office (LTO)-Northern Mindanao uban sa Land Transportation Franchising and Regulatory Board (LTFRB) aron sugdan ang paglusad sa Oplan Ligtas Biyahe ning padangaton na ang Semana Santa.

Gikatakdang magpunsisok na ang bakasyunista ingon man ang mga tinun-an nga manguli sa ilang tagsa-tagsa ka mga probinsya hinungdan buot nga sigurohon sa LTO ug LTFRB ang kaluwasan sa pagbiyahe.

Habal-habal driver giposposan og pusil

Wednesday, March 25, 2015 - 09:39 p.m.

NAGPABILIN pa nga nagpaalim sa balay tambalanan ang usa ka habal-habal driver lalaki human kini gitulisan og motorsiklo ug gihapak og pusil kagahapon sa kaadlawon sa Sitio Taguanao, Indahag ning siyudad sa Cagayan de Oro.

Ang biktima naila nga mao si Christopher Dainggi, 35, ulitawo, ug lumulupyo sa Biasong, Macasandig ning siyudad.

Polis nga miresponde napusilan

Wednesday, March 25, 2015 - 09:39 p.m.

NAPUSILAN ang usa ka polis atol sa pagresponde niini sa nahitabong kagubot sa Purok-5, Naga Puerto ning siyudad sa Cagayan de Oro naidtong Martes sa gabii.

Nagpabilin pa sa tambalanan si SPO2 Manuel Pacampara Jr., sakop sa Police Station 6 (PS6) sa Puerto human nakaangkon og samad sa tiyan nga bahin.

Menor de edad gitulis

Wednesday, March 25, 2015 - 09:39 p.m.

NAGPATALA sa kapolisan sa Police Station 2 (PS2) sa Cogon ang usa ka menor de edad human gitulis sa wala maila nga lalaki samtang nagbaklay kini sa dalang Osmeña niadtong Martes mga alas 8:00 sa gabii ning siyudad sa Cagayan de Oro.

Ang nagpatala naila nga mao si Andrew Patrick (Bansagon gipugngan), 15, ug lumulupyo sa Bulua ning siyudad.

Gitulis sa mamaligyaay og pekeng gold bar

Wednesday, March 25, 2015 - 09:38 p.m.

NAGPATABANG sa kapolisan ang 45-anyos nga lalaki human giingong gitulis siya sa nagpatuong mamaligyaa’g og gold bar niadtong Miyerkules sa Balangay 1B, lungsod sa Quezon, Bukidnon.

Giila ang biktima nga mao si Jeorge Anghag, minyo, trabahante sa Caziar Trading ug residente sa Purok 10, Barangay San Jose, susamang lungsod.

2 motor nalaras, 3 patay

Tuesday, March 24, 2015 - 09:47 p.m.

TULO ang patay sa ngilngig nga bangga nga nahitabo niadtong Lunes sa gabii sa Barangay San Juan, siyudad sa Gingoog, Misamis Oriental.

Giila ang mga biktima nga mao sila si Toby Pundugar, Vicente Berna, ug Merlito Canete Jr., pulos residente sa susamang siyudad.

P35 mil nga kwentas nabitbit sa isnatser

Tuesday, March 24, 2015 - 09:35 p.m.

MOKANTIDAD og P35 mil ang kwentas nga nadala sa isnatser atol sa pagpanglabni niadtong Lunes sa Captain Vicente Roa ning siyudad sa Cagayan de Oro.

Nagpatabang sa Police Station 2 (PS2) sa Cogon Silfide Sabio, 68, balo, lumulupyo sa Capistrano Compound Gusa ning siyudad.

2 natripan nahospital

Tuesday, March 24, 2015 - 09:29 p.m.

NILANDING sa balay tambalanan ning siyudad sa Cagayan de Oro ang duha ka mga batan-on human giingong natripingan sa grupo sa mga batan-on sa managlahing insidente.

Ang biktima naila nga mao si Mark Ronald Gamanoy, 16, nga lumulupyo sa Tablon ning siyudad.

Deodorant, kape nakuha gikan sa bulsa

Tuesday, March 24, 2015 - 09:28 p.m.

DETINADO sa Police Station 2 (PS2) sa Cogon ang usa ka lalaki human nasapon nga gisulod niini ang nagkadaiyang mga paninda sa usa ka establistamento niadtong Lunes sa hapon sa Barangay 33 ning siyudad sa Cagayan de Oro.

Ang maong lalaki naila nga mao si Alexander Dizon, 39, adunay kaipon ug lumulupyo sa Lapaz-1, Lapasan ning siyudad.

Incentives sa traffic enforcers giwagtang

Tuesday, March 24, 2015 - 09:27 p.m.

GIWAGTANG sa majority block sa konseho sa siyudad sa Cagayan de Oro atol sa sesyon niadtong Lunes ang giingong sharing ordinance kon gamay nga incentives nga madawat sa mga traffic enforcers denhi sa siyudad.

Gibutyag ni Konsehal Ramon Tabor, kinsa chairman komite sa police fire and public safety sa konseho, nga sakop sa majority block sa konseho niingon nga unta dili na angayan ibutyag ang rason nganong giwagtang ang maong ordinansa tungod kay daw dayag kaayo nga naabusohan kini pag-ayo.

XU andam na paghidangat ni Iqbal, Ferrer ug Deles

Tuesday, March 24, 2015 - 09:27 p.m.

UGMANG adlawa gikatakdang mahidangat denhi sa siyudad sa Cagayan de Oro sila si Secretary Teresita Quintos-Deles, Professor Miriam Coronel-Ferrer, ug Mohagher Iqbal aron modawat og award gikan sa Xavier University.

Giklaro ni Fr. Roberto C. Yap, kinsa presidente sa maong tunghaan, nga mahidangat mismo ang tulo sa adlawng Huwebes ug igo lamang motambong sa University Convocation ug human niini manguli ra usab ang mga bisita gani dili na kini motambong sa graduation rites.

Suspension order batok Mayor Regencia gipagawas

Tuesday, March 24, 2015 - 09:26 p.m.

ILIGAN CITY -- Unom ka bulan nga suspensiyon ang gipakanaug sa buhatan ni Presidente Noynoy Aquino batok kang Mayor Celso G. Regencia ning dakbayan.

Nagsumikad ang kaso administratibo batok kang Mayor Regencia sa gipasaka ni Vice Mayor Ruderic C. Marzo ug mga kaubang opisyal sa Sangguniang Panlungsod tungod sa memorandum nga gipagawas sa mayor alang ngadto sa mga officer-in-charge ug department head sa City Human Resource and Management Office (HRMO), City Budget Office (CBO), City Accountant’s Office ug City Treasurer’s Office (CTO).

‘Shabu queen’ nasikop

Sunday, March 22, 2015 - 10:02 p.m.

MALAMPUSON nga nasikop sa mga tinugyanan sa Philippine Drug Enforcement Agency (PDEA)-Northern Mindanao ang giingong "shabu queen" niadtong Sabado sa Kahulogan, Barangay 26, siyudad sa Gingoog.

Giila ang suspek nga mao si Donabelle D. Degamo, 38, minyo, residente sa susamang dapit, kinsa giingong taod-taod na nga gi-surveillance ug gipaubos sa monitoring human nadawat ang report sa illegal nga kalambigitan niini.

Gituohang dunay deperensya giposposan, patay

Sunday, March 22, 2015 - 10:01 p.m.

GITUOHANG giposposan og bug-at nga butang ang ulo sa lalaking giingong dunay deperensya nga napalgang patay niadtong Sabado daplin sa dalan sa Barangay Tablon ning siyudad sa Cagayan de Oro.

Giila ang biktima nga mao si Raul Cantara Alyas Jay-are, hingkod ang edad, ulitawo, residente sa susamang dapit.

Amahan, 8 anyos naligsan, patay

Sunday, March 22, 2015 - 10:01 p.m.

PATAY ang usa ka amahan ug usa ka 8 anyos nga bata tungod sa aksidente sa dalan sa managlahi nga dapit ug nadala sa tambalanan ning siyudad sa Cagayan de Oro.

Nakabsan sa kinabuhi ang 8 anyos nga si Jiggy Tumapon, taga Barangay Mauswagon, lungsod sa Laguindingan, Misamis Oriental.

Gipusil patay sa naka-bonnet

Sunday, March 22, 2015 - 10:00 p.m.

GIDEKLARA nga patay ang usa ka lalaki human gipusil sa wala mailang suspetsado nilabay'ng adlaw sa Purok 3, Barangay San Miguel, Maramag, Bukidnon.

Giila ang biktima nga mao si Rodel G. Espera, 26, ulitawo, residente sa susamang dapit.